ठळक बातम्या

• दीड लाखांचे बक्षीस असलेल्या नक्षल स..
• आयपीएलवर ऑनलाईन सट्टा: दोघांवर गुन्..
• गडचिरोली:जादुटोण्याच्या संशयावरुन द..
• गडचिरोली: १८ लाखांचा सुगंधित तंबाखू..
• छत्तीसगडमधील चकमकीत गडचिरोली जिल्ह्..
• आयपीएलवर ऑनलाईन सट्टा: दहा जणांना अ..
• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..

गडचिरोली,ता.२२: अनेक हिंसक कारवायांमध्ये सहभागी असलेल्या नक्षल समर्थकास पोलिसांनी अटक केली आहे. दिलीप मोतीराम पेंदाम(३४), असे अटकेतील नक्षल समर्थकाचे नाव असून, तो भामरागड तालुक्यातील नेलगुंडा येथील रहिवासी आहे.

२१ एप्रिलला उपविभागीय पोलिस अधिकाऱ्यांच्या पथकाने त्याला भामरागड तालुक्यातून संशयास्पद स्थितीत फिरताना अटक केली. दिलीप हा कट्टर नक्षल समर्थक होता. नक्षल्यांना राशन पुरविणे, नक्षल्यांचे बॅनर लावणे, गावातील नागरिकांना बैठकीसाठी बोलावणे अशी कामे तो करीत होता. २१ मार्चला नेलगुंडा-महाकापाडी जंगलातील पायवाटेवर १ क्लेमोर माईन आणि प्रेशर कूकर बॉम्ब पुरुन ठेवण्यात त्याचा प्रत्यक्ष सहभाग होता. यासंदर्भात आणि इतर प्रकरणांमध्ये दाखल गुन्ह्यांत त्याला अटक करण्यात आल्याचे पोलिसांनी सांगितले. शासनाने त्याच्यावर दीड लाख रुपयांचे बक्षीस जाहीर केले होते. पोलिस अधीक्षक नीलोत्पल, अपर पोलिस अधीक्षक यतीश देशमुख, कुमार चिंता, एम. रमेश, उपविभागीय पोलिस अधिकारी अमर मोहिते यांच्या मार्गदर्शनाखाली ही कारवाई करण्यात आली. जानेवारी २०२२ पासून आतापर्यंत पोलिसांनी ७८ नक्षल्यांना अटक केली आहे.

……………….