सोमवार, 11 डिसेंबर 2017
लक्षवेधी :
  नक्षल्यांनी मोबाईल टॉवर जाळला-एटापल्ली तालुक्यातील रोपी येथील घटना             सुप्रसिद्ध समाजसेवक डॉ.प्रकाश आमटे यांची केंद्रीय अॅनिमल वेल्फेअर बोर्डाच्या सदस्यपदी नियुक्ती             अल्पवयीन मुलीचे लैंगिक शोषण केल्याप्रकरणी अंकिसा येथील वाळू कंत्राटदार अजय येनगंटी यास अटक              वनजमिनीच्या पट्ठ्यांसाठी ग्रामसभांनी कोरचीत केले रास्तारोको आंदोलन             विदर्भबंदला जिल्ह्यात संमिश्र प्रतिसाद, चामोर्शीत चक्काजाम             गोंडवाना विद्यापीठ-सिनेट निवडणुकीत ५१ टक्के मतदान             वेतनश्रेणीतील अन्यायाविरोधात वनकर्मचाऱ्यांनी केला एकदिवसाचा लाक्षणिक संप           

आमचे मत - तुमचे मत

गडचिरोली --°C --°C

जनमताचा कौल

प्रश्न : गडचिरोली जिल्हयातील गैरआदिवासींच्या प्रश्नांकडे राज्य सरकार डोळेझाक करीत आहे, असे वाटते काय?
होय :
77%
नाही :
23%

दोन जहाल नक्षल्यांचे पोलिसांपुढे आत्मसमर्पण

Thursday, 7th December 2017 08:38:38 AM

गडचिरोली, ता.७: नक्षल्यांच्या पीएलजीए सप्ताहादरम्यान ७ जहाल नक्षल्यांना ठार झाल्याची बातमी ताजी असतानाच आज दोन नक्षलवाद्यांनी पोलिसांपुढे आत्मसमर्पण केले आहे. कमला रामसू गावडे व नागेश उर्फ राजेश मतूरसाय मडावी अशी आत्मसमर्पण करणाऱ्या नक्षल्यांची नावे आहेत.

पोलिसांनी दिलेल्या माहितीनुसार, कमला गावडे ही कोरची दलममध्ये कार्यरत होती. २०११ मध्ये ती केकडी दलममध्ये सदस्य म्हणून भरती झाली. फुलगोंदी येथील चकमक व टाहकाटोला येथील एका इसमाच्या हत्येत सहभाग होता. शासनाने तिच्यावर २ लाख रुपयांचे बक्षीस जाहीर केले होते.

नागेश उर्फ राजेश मतूरसाय मडावी हा २०११ मध्ये छत्तीसगडमधील पल्लेमाडी दलममध्ये भरती झाला. पल्लेमाडी जंगलातील चकमक, छत्तीसगडमधील येरकड-नांदगाव रस्त्यावरील चकमक, सितगाव-मुंजाल रस्त्यावरील भूसुरुंगस्फोट, तोळके गावातील कोरेटी नामक इसमाची हत्या, जक्के येथील ग्रामपंचायतीमध्ये काळा झेंडा फडकावणे इत्यादी गुन्ह्यांमध्ये त्याचा सहभाग होता. त्याच्यावर २ लाखांचे बक्षीस होते. आज या दोघांनीही नक्षलविरोधी अभियानाचे अपर पोलिस महासंचालक डी.कनकरत्नम, विशेष पोलिस महानिरीक्षक शरद शेलार, पोलिस उपमहानिरीक्षक अंकुश शिंदे यांच्या मार्गदर्शनाखाली पोलिस अधीक्षक डॉ.अभिनव देशमुख यांच्यापुढे आत्मसमर्पण केले. चालू वर्षांत आतापर्यंत एक कंपनी सदस्य, एक एरिया कमिटी सदस्य यांच्यासह विविध दलमच्या १९ नक्षलवाद्यांनी आत्मसमर्पण केले आहे. आत्मसमर्पित नक्षल्यांपासून प्रेरणा घेऊन दलममधील इतर सदस्यही नक्कीच आत्मसमर्पण करतील, असा विश्वास पोलिस अधीक्षक डॉ.अभिनव देशमुख यांनी व्यक्त केला आहे. काल(ता.६) सात नक्षल्यांना ठार केल्यानंतर आज दोन नक्षल्यांनी आत्मसमर्पण केल्याने नक्षल चळवळीचे कंबरडे मोडल्याचे पोलिसांनी म्हटले आहे.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
90Y11
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना