ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

धानोरा, ता.१६: चोरट्यांनी आज मध्यरात्री शहरातील सहा ठिकाणी घरफोडी करुन एक मोटारसायकल पळवून नेल्याने नागरिक भयभीत झाले आहेत.

चोरट्यांनी आज मध्यरात्री शहरातील मुख्य चौकातील पप्पू ज्वेलर्स हे सोनाचांदीचे दुकान फोडले. त्यानंतर प्राचार्य जयश्री लोखंडे व त्यांच्या भाडेकरु तोंडरे यांचे घर फोडून सामानाची नासधूस केली. तसेच टी.जी.कोरेटी व मेंढे यांच्या घराचे कुलूप तोडून आत प्रवेश केला. परंतु तेथे काहीच आढळून न आल्याने चोरट्यांची निराशा झाली. त्यानंतर चोरट्यांनी मुलींच्या वसतिगृहाजवळील भरडकर यांच्या घरात प्रवेश केला. त्यांचे भाडेकरु राहुल माहुरकर यांची एमएच ३३-एन २१७२ होंडा कंपनीची मोटारसायकल चोरुन नेली. हे सर्वजण मकर संक्रांतीनिमित्त बाहेरगावी गेले होते. आज सकाळी घरी परतताच त्यांनी चोरी झाल्याचे दिसून आले. मागील महिन्यात चोरट्यांनी बोडगेवार यांचे किराण दुकान तसेच मेडीकल स्टोअर्स फोडले होते. आज एकाच रात्री सहा घरफोड्या झाल्याने चोरट्यांची टोळी सक्रिय असल्याचे दिसून येत आहे. या घटनांमुळे नागरिक भयभीत झाले असून, पोलिसांनी रात्री गस्त वाढवावी, अशी मागणी केली आहे.