गडचिरोली | --°C | --°C |
गडचिरोली, ता.८: गीताचार्य तुकारामदादा यांचे अड्याळ (टेकडी) येथील उत्तराधिकारी व राष्ट्रसंत तुकडोजी महाराजांच्या कार्याला वाहून घेतलेले लक्ष्मणदादा नारखेडे यांचे आज दुपारी पावणेदोन वाजता दीर्घ आजाराने निधन झाले. ते ९१ वर्षांचे होते. सोमवारी(ता.९)अड्याळ टेकडी येथे त्यांच्या पार्थिवावर अंत्यसंस्कार करण्यात येतील.
मूळचे बुलढाणा जिल्ह्यातील नांदुरा येथील रहिवासी असलेले लक्ष्मणदादा नारखेडे यांनी ऐन तारुण्यातच राष्ट्रसंत तुकडोजी महाराजांच्या कार्याला वाहून घेतले होते. अत्यंत साधी राहणी, प्रेमळ व मृदुभाषी व्यक्तिमत्वाचे धनी म्हणून ओळखले जाणाऱ्या लक्ष्मणदादांना गीताचार्य तुकारामदादांच्या निधनानंतर अड्याळ टेकडीचे उत्तराधिकारी म्हणून नेमण्यात आले होते.
मागील १५ दिवसांपासून ते मूत्रपिंडाच्या आजाराने ग्रस्त होते. आज दुपारी त्यांची प्राणज्योत मालवली.