गडचिरोली | --°C | --°C |
गडचिरोली,ता.२२: राज्य निवडणूक आयोगाने आज गडचिरोली जिल्ह्यातील १७२ ग्रामपंचायतींमधील ३५१ जागांसाठी पोटनिवडणुकीचा कार्यक्रम जाहीर केला असून, २१ डिसेंबला मतदान होणार आहे. या जागा विविध कारणांमुळे रिक्त झाल्या आहेत.
निवडणुकीसाठी नामनिर्देशनपत्र सादर करण्याचा कालावधी ३० नोव्हेंबर ते ६ डिसेंबरपर्यंत आहे. ७ डिसेंबरला नामनिर्देशनपत्रांची छाननी करण्यात येईल, तर ९ डिसेंबरपर्यंत नामनिर्देशनपत्रे मागे घेता येतील. याच दिवशी दुपारी ३ वाजतानंतर निवडणूक लढविणाऱ्या उमेदवारांची अंतिम यादी प्रसिद्ध करण्यात येईल. २१ डिसेंबरला सकाळी साडेसात ते दुपारी ३ वाजतापर्यंत निवडणूक होणार असून, २२ डिसेंबरला मतमोजणी होणार आहे. या निवडणुकीत मतदारांनी मतदानाचा हक्क बजावून निवडणूक प्रक्रियेस सहकार्य करावे, असे आवाहन जिल्हाधिकारी संजय मीणा यांनी केले आहे.