ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

गडचिरोली,ता.१: जयपूर येथे २७ ते ३० जूनदरम्यान पार पडलेल्या अखिल भारतीय आंतरविद्यापीठ वूडबॉल स्पर्धेत गोंडवाना विद्यापीठाच्या संघाने सुवर्ण आणि कांस्य पदक पटकावले आहे.

जयपूर येथील जगन्नाथ विद्यापीठाने ही स्पर्धा आयोजित केली होती. या स्पर्धेत देशभरातील विविध विद्यापीठांच्या २९ संघांनी भाग घेतला होता.वूडबॉल क्रीडा प्रकारात स्ट्रोक स्पर्धेत अंजली चौधरी, अनुजा खिरटकर, विशाखा भोयर, मयुरी गाडगे, गुलाबशा सय्यद, इशा फुलबांधे,साक्षी मेश्राम,शुभांगी भोस्कर या विद्यार्थ्यांनी सुवर्ण पदक पटकावले. महिलांच्या दुहेरी स्पर्धेत अंजली चौधरी व अनुजा खिरटकर,तर मिश्र दुहेरीत मयूर भोयर, ईशा फुलबांधे या विद्यार्थ्यांनी कांस्यपदक पटकावले.

या यशाबद्दल विद्यापीठाचे कुलगुरु डॉ.प्रशांत बोकारे, प्र-कुलगुरु डॉ.श्रीराम कावळे, कुलसचिव डॉ.अनिल चिताडे आणि शारीरिक शिक्षण विभागाच्या प्रमुख डॉ.अनिता लोखंडे यांनी विजेत्या विद्यार्थ्यांचे अभिनंदन केले आहे.