ठळक बातम्या

• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..

गडचिरोली,ता.१७: अहेरी तालुक्यातील नागेपल्ली येथील पोलिस हवालदार जगन्नाथ सिडाम यांच्या हत्येप्रकरणी पोलिसांनी आज मृत हवालदाराची पत्नी ललीता सिडाम, मुलगी रोहिणी सिडामव इंद्रजित खोब्रागडे नामक युवकास अटक केली आहे.  

हवालदार जगन्नाथ सिडाम(५३) हे भामरागड तालुक्यातील धोडराज पोलिस मदत केंद्रात कार्यरत होते. त्यांचे कुटुंबीय अहेरीनजीकच्या नागेपल्ली येथील वॉर्ड क्रमांक दोनमध्ये वास्तव्य करीत होते. ४ जुलैला जगन्नाथ सिडाम हे आपल्या घरी झोपेत असताना एका इसमाने दार ठोठावला. त्यानंतर काही कळायच्या आत त्याने सिडाम यांचा गळा कापून खून केला.

पोलिसांनी तपासाअंती आज जगन्नाथ सिडाम यांची पत्नी, मुलगी व एटापल्ली तालुक्यातील गट्टा(जांभिया) येथील इंद्रजित खोब्रागडे यास अटक केली. अहेरीच्या न्यायालयाने त्यांना १९ जुलैपर्यंत पोलिस कोठडी सुनावली आहे. पत्नी व मुलीने इंद्रजित खोब्रागडे यास सुपारी देऊन जगन्नाथ सिडाम यांची हत्या केल्याचे प्राथमिक तपासात निष्पन्न झाले आहे. उपविभागीय पोलिस अधिकारी अमोल ठाकूर यांच्या मार्गदर्शनाखाली अहेरी पोलिस घटनेचा तपास करीत आहेत.