सोमवार, 25 ऑक्टोबर 2021
लक्षवेधी :
  गरिबांचा प्रवास महागला:एसटीची १७.१७ टक्के भाडेवाढ, २५ ऑक्टोबरच्या मध्यरात्रीपासून लागू             ओडिशातून भटकत आलेल्या रानटी हत्तींचा कोरची, धानोरा तालुक्यात धुमाकूळ, हत्तीच्या हल्ल्यात एक शेतकरी जखमी, पिकांचीही केली नासधूस             जहाल नक्षलवादी मंगरु मडावी यास पेरमिली परिसरातून अटक             ओबीसींच्या अर्धा टक्का आरक्षणालादेखील हात लावू देणार नाही: गडचिरोली येथील राष्ट्रवादी काँग्रेसच्या कृतज्ञता मेळाव्यात छगन भुजबळ यांचा इशारा             १८ ऑक्टोबर कोरोना अपडेट: गडचिरोली जिल्ह्यात एकही बाधित वा कोरोनामुक्त नाही           

ई-पीक पाहणीच्या कामास १४ ऑक्टोबरपर्यंत मुदतवाढ

Thursday, 30th September 2021 06:16:36 AM

गडचिरोली,ता.३०: राज्य शासनाने ई-पीक पाहणीच्या कामाला १४ ऑक्टोबरपर्यंत मुदतवाढ दिली आहे.

ई-पीक पाहणी प्रकल्पाच्या प्रचार, प्रसिद्धी व प्रबोधनसाठी १ ऑगस्ट ते १५ ऑगस्ट आणि खरीप हंगामाच्या प्रत्यक्ष मोबाईल ॲपद्वारे पीक पाहणी करण्यासाठी शेतकऱ्यांसाठी १५ ऑगस्ट ते ३० सप्टेंबर असा कालावधी निश्चित करुन देण्यात आला होता. त्यानंतर ३० सप्टेंबरपासून तलाठी स्तरावरुन होणारी पीक पाहणी करण्याचे व ई-पीक पाहणी मंजूर करण्याचे निर्देश देण्यात आले होते. परंतु राज्याच्या काही भागात अतिवृष्टी, पूर, कोरोना महामारी व उशिराच्या मान्सूनमुळे ई-पीक पाहणीच्या कामास मुदतवाढ देण्यात आली आहे. राज्यस्तरीय अंमलबजावणी समितीच्या ३० सप्टेंबर २०२१ च्या बैठकीत ई-पीक पाहणीच्या शेतकरी स्तरावरील कामाला १४ ऑक्टोबरपर्यंत मुदतवाढ देण्याचा निर्णय घेण्यात आला.

तथापि, तलाठी स्तरावरील पीक पाहणीला मान्यता देण्यास सुरुवात करावी, असे निर्देश सर्व तलाठ्यांना देण्यात आल्याची माहिती ई-पीक पाहणी प्रकल्पाचे राज्य समन्वयक, उपजिल्हाधिकारी तथा जमाबंदी आयुक्त कार्यालय, पुणे यांनी दिली आहे.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
20KVB
  © 2014 - 2021 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना