गडचिरोली | --°C | --°C |
गडचिरोली, ता. २१: अधिनस्त कर्मचारी महिलेचा विनयभंग केल्याप्रकरणी पोलिसांनी आज संध्याकाळी उशिरा जिल्हा परिषदेचा मुख्य लेखा व वित्त अधिकारी ओंकार अंबपकर(५४) यास अटक केली. अंबपकर हा कोल्हापूर जिल्ह्यातील मूळ रहिवासी आहे.
ओंकार अंबपकर हा पीडित कर्मचारी महिलेला बरेचदा आपल्या कक्षात बोलावून तिच्याशी असभ्य वर्तन करीत होता. सोमवारी (ता.२०) अंबपकर याने तिला आपल्या कक्षात बोलावून एका प्रस्तावातील आकडेवारी वाचून दाखविण्यास सांगितले. त्यानंतर तिचा विनयभंग केला. पीडित महिलेने तक्रार केल्यानंतर पोलिसांनी ओंकार अंबपकर यास विनयभंग आणि अनुसूचित जाती, जमाती अत्याचार प्रतिबंधक कायद्यान्वये अटक केली. मंगळवारी त्याला न्यायालयात हजर केले जाणार असल्याची माहिती पोलिसांनी दिली. उपविभागीय पोलिस अधिकारी प्रणिल गिल्डा घटनेचा तपास करीत आहेत.