ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

सिरोंचा, ता.२०: तालुक्यातील वडदम येथे काल पहाटे लागलेल्या आगीत चार कुटुंबांच्या घरांची राख झाल्यानंतर आदिवासी विद्यार्थी संघाच्या कार्यकर्त्यांनी पीडितांना आर्थिक मदतीचा हात दिला.

काल पहाटे वडधम येथील गग्गुरी पोचम जक्कलू ,गग्गुरी किष्टय्या जक्कुलू, मांतय्या नागुला व लक्ष्मण गग्गुरी यांची घरे व घरातील जीवनावश्यक साहित्याची आगीत राखरांगोळी झाली. त्यामुळे चारही कुटुंबांचे संसार उघड्यावर आले. घटनेची माहिती मिळताच सिरोंचा तालुका आदिवासी विद्यार्थी संघाचे पदाधिकारी व जिल्हा परिषदेच्या महिला व बालकल्याण सभापती जयसुधा जनगाम यांनी घटनास्थळाला भेट देऊन आगग्रस्त कुटुंबीयांचे सांत्वन केले.

 तसेच त्यांनी चारही आगग्रस्त कुटुंबीयांना आर्थिक मदत केली. याप्रसंगी आविसंचे तालुकाध्यक्ष बानय्या जनगाम, वडदम ग्रामपंचायतचे सरपंच आकुला मल्लिकार्जुनराव, आविसंचे सल्लागार रवी सल्लम, बट्टी मल्लेश, लक्ष्मण बोल्ले, नागेश अल्लूरी, तिरुपती चिट्याला, अंकेश बोरकुटे आदी कार्यकर्ते उपस्थित होते .