गडचिरोली | --°C | --°C |
मुलचेरा, ता.२४: शेतात काम करुन परत येत असताना घराजवळच अंगावर वीज कोसळल्याने एक महिला जागीच ठार झाल्याची घटना आज दुपारी साडेतीन वाजताच्या सुमारास कोंडीगाव टोला येथे घडली. ललीता भाऊराव मोहुर्ले(३०) असे मृत महिलेचे नाव आहे.
ललीता मोहुर्ले आज सकाळी शेतावर गेली होती. तेथे काम करुन परत येत असताना दुपारी साडेतीन वाजताच्या सुमारास विजांच्या कडकडाटासह पाऊस सुरु झाला. ती घरी पोहचणार एवढ्यात अंगावर वीज कोसळल्याने ती जागीच गतप्राण झाली. आईचा मृत्यू झाल्याचे कळताच मुलाने हंबरडा फोडला. तिला शवविच्छेदनासाठी अहेरी येथील रुग्णालयात नेण्यात आले आहे. ९ जून रोजी मुलचेरा तालुक्यातील धन्नूर येथे वीज कोसळून ४ जण ठार, तर ७ जण जखमी झाले होते. त्यानंतर ही दुसरी घटना आहे.