अधिक वाचा>>

आमचे मत - तुमचे मत

गडचिरोली	--°C	--°C

जनमताचा कौल

 

नक्षल्यांनी केलेल्या भ्रूसुरुंगस्फोटात ४ जवान जखमी झाल्याची घटना आज सोमवारी सायंकाळी ५ वाजताच्या सुुमारास धानोरा तालुक्यातील येरकड येथे घडली. चेतन साळवे, नीतेश भ्रांडेकर,  सुभाष समर्थ व माणिक मानकर अशी जखमी जवानांची नावे असून, साळवे व भांडेकर यांची प्रकृती गंभीर आहे़ जखमींना हेलिकॉप्टरने नागपूरला हलविण्यात आले आहे.

धानोरा तालुक्यातील येरकड येथे दर सोमवारी आठवडी बाजार भरतो. अनेकदा येरकड पोलिस मदत केंद्रातील जवान ५ ते १० च्या संख्येत नेहमीच भाजीपाला व अन्य जीवनावश्यक वस्तू खरेदी करण्यासाठी जातात. दरम्यान, आज सायंकाळच्या सुमारास काही पोलिस गावापासून ५०० मीटर अंतरावर असलेल्या पोलिस मदत केंद्रातून बाजाराकडे पायदळ जात होते. यावेळी रस्त्यालगत असलेल्या झुडपी जंगलात दबा धरुन बसलेल्या नक्षल्यांनी जमिनीत पेरून ठेवलेल्या स्फोटकांचा स्फोट केला़ यात चार जवान जखमी झाले़  चेतन साळवे व नीतेश भांडेकर हे इंडियन रिझर्व बटालियनमध्ये, तर सुभाष समर्थ व माणिक मानकर हे जिल्हा पोलिस दलात कार्यरत असल्याचे समजते़