अधिक वाचा>>

आमचे मत - तुमचे मत

गडचिरोली	--°C	--°C

जनमताचा कौल

 

गडचिरोली, ता़१६

छत्तीसगड व सीमावर्ती भागातील गडचिरोली जिल्ह्यातील ११ हून अधिक नक्षल गुन्ह्यांमध्ये सहभागी असलेला जहाल नक्षलवादी व छत्तीसगडच्या मानपूर विभागीय समितीचा सदस्य राजू उर्फ जेठुराम धुर्वा यास गडचिरोली पोलिसांनी आज(ता़१६) धानोरा तालुक्यातील जंगलातून अटक केली़ मागील सात वर्षांत गडचिरोली पोलिसांनी प्रथमच मोठ्या कॅडरच्या नक्षल्यास अटक केली आहे़

दलममध्ये भरती होण्यापूर्वी राजू धुर्वा हा गावात राहून मिलिशियाचे काम करायचा़ नक्षल्यांचा पॉलिट ब्युरो सदस्य गुडसा उसेंडी याने पाठविलेली स्फोटके व अन्य साहित्य तो वेगवेगळ्या दलमना पोहचवून देत असते़ त्यानंतर सप्टेंबर २००७ मध्ये तो छत्तीसगडमधील पल्लेमाडी दलममध्ये सदस्य म्हणून भरती झाला़ दुसर्‍या वर्षी मोहल्ला एलओएसमध्ये त्याची बदली झाली़ २०१२ मध्ये त्याची पल्लेमाडी दलममध्ये डीव्हीसी म्हणून त्याची नियुक्ती झाली़ २०१३ पर्यंत तो तेथे कार्यरत होता़ त्यानंतर तो औंधी दलमचा प्रभारी म्हणून कार्यरत होता़ यापूर्वी गहनगट्टा चकमकीत औंधी दलमच्या उपकमांडरला पोलिसांनी ठार केले होते़ आता कोणताही मोठा नक्षल नेता या दलममध्ये उरला नाही, अशी माहिती पोलिस अधीक्षक संदीप पाटील यांनी दिली़ त्याच्यावर खून, जाळपोळ, चकमक असे ११ गुन्हे दाखल असून, छत्तीसगड पोलिसांनी त्याच्यावर १६ लाख रुपयांचे बक्षीस जाहीर केले होते, असेही संदीप पाटील यांनी सांगितले़ पत्रकार परिषदेला अतिरिक्त पोलिस अधीक्षक राहूल श्रीरामे, अतिरिक्त पोलिस अधीक्षक एम़राजकुमार(अभियान)उपस्थित होते़