सोमवार, 19 फेब्रुवारी 2018
लक्षवेधी :
  सरकारच्या ओबीसीविरोधी धोरणासंदर्भात राष्ट्रवादी काँग्रेसचे जनजागृती अभियान-राकाँच्या ओबीसी सेलचे प्रदेशाध्यक्ष ईश्वर बाळबुद्धे यांची माहिती             मोटारसायकल अपघातात तीन जण जागीच ठार, गडचिरोली-चामोर्शी मार्गावरील देवडी फाट्यावरील घटना             पोलिस भरतीच्या जागा वाढवा, जीडीसीसी बँकेतील गुणांची अट रद्द करुन आरक्षण द्या, अन्यथा आंदोलन-सुशिक्षित बेरोजगारांचा इशारा             गडचिरोली येथे विविध मोक्क्याच्या ठिकाणी वाजवी दरात जमिनी व प्लॉटस् विक्रीसाठी उपलब्ध-संपर्क साधा ७९७२८८०५१३           

आमचे मत - तुमचे मत

गडचिरोली --°C --°C

जनमताचा कौल

प्रश्न : गडचिरोली जिल्हयातील गैरआदिवासींच्या प्रश्नांकडे राज्य सरकार डोळेझाक करीत आहे, असे वाटते काय?
होय :
77%
नाही :
23%

'विद्याभारती' च्या प्रतिभा रामटेके राज्यपालांच्या हस्ते सन्मानित

Saturday, 14th October 2017 08:04:21 AM

गडचिरोली, ता. १४ : दंडकारण्य शैक्षणिक व सांस्कृतिक विकास संशोधन संस्थेद्वारे संचालित गडचिरोली येथील विद्याभारती कन्या हायस्कूलच्या सहायक शिक्षिका तथा गाइडर प्रतिभा रामटेके यांना स्काऊट गाइड संस्थेकडून दिला जाणारा 'बार टू मेडल ऑफ मेरीट' हा राज्यस्तरीय पुरस्कार प्राप्त झाला असून त्यांना मुंबई येथे आयोजित सोहळ्यात राज्यपाल विद्यासागर राव यांच्या हस्ते नुकतेच सन्मानित करण्यात आले.

मुंबई येथील शिवाजी पार्क दादर पॅव्हेलियन येथे आयोजित या सोहळ्याला राज्यपाल विद्यासागर राव यांच्यासह भारत स्काऊट गाइडचे राज्य आयुक्त भा.ई. नगराळे, अध्यक्ष ज्ञानोबा मुंडे प्रमुख अतिथी म्हणून उपस्थित होते. प्रतिभा रामटेके यांनी स्काऊट, गाइड क्षेत्रात केलेल्या उत्कृष्ट कार्याबद्दल त्यांना या राज्य पुरस्काराने सन्मानित करण्यात आले. त्यांच्या मार्गदर्शनाखाली शाळेतील अनेक विद्याथ्र्यांनी राज्य व राष्ट्रपती पुरस्कार प्राप्त केले आहेत. तसेच मेळावे, जांबोरी, सामुदायिक विकास आदी कार्यक्रमांमध्येही भरीव योगदान देत त्यांनी स्काऊट, गाइड चळवळीच्या प्रचार व प्रसारासाठी निरंतर कार्य केले. यापूर्वी त्या राज्य गाइडर होत्या. आता त्या राज्य मंडळ सदस्य आहेत. तसेच गडचिरोली जिल्हा भारत स्काऊट गाइड येथे सहायक जिल्हा आयुक्त आहेत. 

पुरस्कार मिळाल्याबद्दल संस्थाध्यक्ष प्राचार्य डॉ. राजाभाऊ मुनघाटे, उपाध्यक्ष भैयासाहेब ठाकरे, मुनघाटे, मुख्याध्यापक कुमरे, पर्यवेक्षिका चौधरी, शिक्षक व शिक्षकेतर कर्मचारी तसेच भारत स्काऊट गाइडचे जिल्हा आयुक्त भोसले, चिटणीस लोंढे, सहसचिव खंगार, सेता, स्काऊट संघटक झाडे, गाइड संघटिका माधुरी जवणे आदींनी अभिनंदन केले आहे. तसेच गाइड आयुक्त कविता पोरेड्डीवार, लीना हकिम, समशेर पठाण, प्राचार्य नार्लावर, बोरकर, कोषाध्यक्ष स्मिता लडके आदींनी प्रतिभा रामटेके यांचे अभिनंदन केले आहे.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
4V714
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना