गडचिरोली | --°C | --°C |
सिरोंचा, ता.९: लग्नाचे वऱ्हाड घेऊन जाणारे वाहन झाडाला आदळल्याने १ महिला ठार, तर ५० जण जखमी झाल्याची घटना आज सकाळी साडेनऊ वाजताच्या सुमारास सिरोंचा-आलापल्ली मार्गावरील मौसम गावाजवळ घडली.
झिंगानूर येथून वऱ्हाडी घेऊन निघालेला मेटॅडोर गडचिरोलीकडे जात होता. दरम्यान मौसम गावाजवळ चालकाचे नियंत्रण सुटल्याने वाहन झाडाला आदळले. यात सुमारे ५० जण जखमी झाले. जखमींना अहेरी येथील उपजिल्हा रुग्णालयात भरती करण्यात आले. उपचारादरम्यान एका महिलेचा मृत्यू झाला. गंभीर जखमींना चंद्रपूरला हलविण्यात आले आहे. दरम्यान घटनेची माहिती मिळताच जिल्हा परिषद उपाध्यक्ष अजय कंकडालवार यांनी रुग्णालयात जाऊन जखमींची विचारपूस केली.