गडचिरोली | --°C | --°C |
गडचिरोली,ता.१७: वैद्यकीय अभ्यासक्रमाच्या प्रवेशासाठी आवश्यक ‘नीट’ परिक्षेत घवघवीत यश प्राप्त केल्याबद्दल लांजेडा येथील रहिवासी वैभव नैताम याचा नगरसेवक संजय मेश्राम यांनी सत्कार केला.
‘नीट’ परिक्षेचा निकाल काल जाहीर झाला. त्यात वैभव गजानन नैताम यास ७२० पैकी ६१४ गुण मिळाले. या यशाबद्दल नगरसेवक संजय मेश्राम, माजी सभापती अजय भांडेकर, सामाजिक कार्यकर्ते किशोर भांडेकर यांनी वैभव नैतामचे पुष्पगुच्छ देऊन कौतुक केले. वैभवचे प्राथमिक शिक्षण रामनगर येथील शाळेत झाले. माध्यमिक शिक्षण शिवाजी हायस्कूल, तर बारावीपर्यंतचे शिक्षण शिवकृपा कनिष्ठ महाविद्यालयात झाले. दहावीच्या परिक्षेत त्याला ९२.८ टक्के, तर बारावीच्या परिक्षेत ८५ टक्के गुण मिळाले होते.
एमबीबीएस केल्यानंतर यूपीएससी परिक्षेची तयारी करुन आयएएस होण्यास मानस वैभवने व्यक्त केला. वैभवचे वडील गजानन नैताम हे शिवसेनेचे तालुकाप्रमुख आहेत.