ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

गडचिरोली,ता.८:  कोरोना विषाणूच्या संसर्गकाळात टाळेबंदीमुळे रुग्णांची होरपळ होत होती. अशा संकटाच्या काळात युवक काँग्रेसचे जिल्हाध्यक्ष महेंद्र ब्राम्हणवाडे यांनी भोजनदान केले. त्यांचे हे कार्य कौतुकास्पद असून, रुग्णसेवा हीच खरी ईश्वर सेवा होय, असे प्रतिपादन प्रदेश काँग्रेस कमिटीचे अध्यक्ष नाना पटोले यांनी केले.

जिल्हा सामान्य रुग्णालयात युवक काँग्रेसच्या वतीने आयोजित उपक्रमात नाना पटोले यांनी सहभागी होऊन कोरोनाग्रस्त रुग्णांच्या नातेवाईकांना चहा व बिस्कीट वितरित केले, त्यावेळी ते बोलत होते. यावेळी राज्याचे मदत व पुनर्वसन तथा बहुजन कल्याण मंत्री विजय वडेट्टीवार, काँग्रेसचे प्रदेश कार्याध्यक्ष चंद्रकांत हंडोरे, आ. अभिजित वंजारी, माजी खासदार मारोतराव कोवासे,माजी आ. डॉ अविनाश वारजूरकर , प्रदेश प्रवक्ते अतुल लोंढे, गिरीश पांडव, विनोद दत्तात्रय, रवींद्र दरेकर,काँग्रेसचे जिल्हाध्यक्ष तथा माजी आमदार डॉ. नामदेव उसेंडी, जि. प. अध्यक्ष अजय कंकडालवार, उपाध्यक्ष मनोहर पोरेटी, पंकज गुड्डेवार, शहराध्यक्ष तथा नगरसेवक सतीश विधाते, विश्वजित कोवासे,रजनीकांत मोटघरे, नंदू वाईलकर,प्रतीक बारसिंगे,संजय चन्ने ,तोफिक शेख,गौरव ऐनप्रेड्डीवार,विपुल येलेटीवार ,दिलीप चॊधरी,मिलिंद खोब्रागडे, पिंकू बावणे,नितीन घुले उपस्थित होते.

मागील ५० दिवसांपासून युवक काँग्रेस जिल्हा सामान्य रुग्णालयात दाखल कोरोनाग्रस्त रुग्णांच्या नातेवाईकांना भोजन, चहा व बिस्कीट वाटप करीत आहे. शिवाय, गरजूंना रक्त, रुग्णवाहिका व बेडची व्यवस्थाही करीत आहे.  कोरोना संसर्गाच्या काळात सर्वसामान्य जनता घाबरलेली असताना युवक काँग्रेस जनसेवेसाठी रस्त्यावर उतरून काम करीत आहे. त्यांनी केलेल्या कामाचे कौतुक शब्दात करताच येऊ शकत नाही, असेही नाना पटोले यावेळी म्हणाले.