ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

गडचिरोली,ता.१८: सुमारे २ लाख रुपयांचे बक्षीस असलेल्या नक्षल महिलेने आज पोलिसांपुढे आत्मसमर्पण केले. करिश्मा उर्फ गंगा उर्फ सविता अजय नरोटी(२०), असे आत्मसमर्पण करणाऱ्या महिला नक्षलीचे नाव आहे. ती नक्षल्यांच्या चातगाव दलमची सदस्य असून, छत्तीसगड राज्यातील पाखांजूर तालुक्यातील बेटिया गावची रहिवासी आहे.

पोलिस अधीक्षक कार्यालयात केंद्रीय राखीव दलाचे उपमहानिरीक्षक मानस रंजन व पोलिस अधीक्षक अंकित गोयल यांच्या उपस्थितीत करिश्माने आत्मसमर्पण केले. तिच्यावर चकमकीचे ४ गुन्हे दाखल असून, शासनाने २ लाख रुपयांचे बक्षीस जाहीर केले होते. नक्षल्यांनी विकासकामांत आडकाठी न आणता आत्मसमर्पण करुन मुख्य प्रवाहात यावे, असे आवाहन पोलिस उपमहानिरीक्षक मानस रंजन व पोलिस अधीक्षक अंकित गोयल यांनी यावेळी केले.

२०१९ ते २०२१ पर्यंत ३८ नक्षल्यांनी पोलिसांपुढे आत्मसमर्पण केले आहे. त्यात ४ विभागीय समिती सदस्य, २ दलम कमांडर, ३ उपकमांडकर, २८ सदस्य व १ जनमिलिशिया सदस्याचा समावेश आहे.