ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

गडचिरोली,ता.२४: अहेरी येथील धर्मपुरी वॉर्डात एका पोलिस शिपायाने आपल्या सासऱ्याची गोळी झाडून हत्या केल्याची घटना काल(ता.२३) रात्री १० वाजताच्या सुमारास घडली. मारोती मट्टामी असे मृत इसमाचे, तर मनोज गावडे असे आरोपी पोलिस शिपायाचे नाव आहे.

मनोज गावडे अहेरी येथील प्राणहिता पोलिस उपमुख्यालयात कार्यरत आहे. धर्मपुरी वॉर्डात तो आपल्या कुटुंबीयांसह वास्तव्यास होता. काल मनोजचे सासरे मारोती मट्टामी हे आपल्या मुलीला भेटण्यासाठी गेले होते. रात्री जावई मनोज गावडे व सासरे मारोती मट्टामी यांच्यात वाद झाला. राग अनावर झाल्याने मनोज गावडे याने त्याच्याकडील सर्व्हीस रायफलमधून मारोती मट्टामी यांच्यावर गोळी झाडली. यात त्यांचा जागीच मृत्यू झाला. पोलिसांनी मनोज गावडे याच्यावर गुन्हा दाखल करुन अटक केली. उपविभागीय पोलिस अधिकारी अमोल ठाकूर यांच्या मार्गदर्शनात पोलिस निरीक्षक प्रवीण डांगे घटनेचा तपास करीत आहेत.