गडचिरोली | --°C | --°C |
गडचिरोली,ता.२१: जिल्हयात आज १० जणांना कोरोना विषाणूचा संसर्ग झाल्याचे निदान झाले, तर ३ रुग्ण आजारातून बरे झाले.
आजच्या नवीन १० बाधितांमध्ये चामोर्शी आणि धानोरा तालुक्यातील प्रत्येकी ५ रुग्णांचा समावेश आहे. गडचिरोली, अहेरी, आरमोरी, भामरागड, एटापल्ली, कोरची, कुरखेडा, मुलचेरा, सिरोंचा आणि देसाईगंज या दहा तालुक्यांमध्ये आज एकही कोरोनाबाधित आढळून आला नाही.
जिल्हयात आतापर्यंत ३० हजार ५३५ जण बाधित आढळून आले आहेत. त्यातील ७४३ रुग्णांचा मृत्यू झाला आहे, तर २९ हजार ६९७ रुग्ण आजारातून बरे झाले आहेत. सध्या ९५ रुग्णांवर उपचार सुरु आहेत. जिल्हयाचे कोरोना रूग्ण बरे होण्याचे प्रमाण ९७.२६ टक्के, तर मृत्यू दर २.४३ टक्के झाला आहे.