/* */
शनिवार, 26 नोव्हेंबर 2022
लक्षवेधी :
  ३ कोटींच्या धान खरेदी घोटाळ्याप्रकरणी मुरुमगाव येथील खरेदी केंद्रप्रमुखास अटक:             मेडीगड्डा धरणग्रस्तांनी आ.जयंत पाटलांना सांगितली व्यथा             शेकापच्या मध्यवर्ती समितीच्या बैठकीत पहिल्या दिवशी पाच महत्वाचे ठराव पारीत: आ.जयंत पाटील, आ.श्यामसुंदर शिंदे यांच्यासह महत्वाचे पदाधिकारी उपस्थित             राज्यात सरकार आहे की नाही अशी स्थिती: शेतकरी कामगार पक्षाचे सरचिटणीस आ.जयंत पाटील यांची गडचिरोलीत टीका           

नक्षलग्रस्त भागातील आदिवासी युवतीने मिळवली कृषी अर्थशास्त्रात पीएचडी

Thursday, 19th August 2021 08:50:49 AM

गडचिरोली,ता.१९: धानोरा तालुक्यातील दुर्गम व नक्षलग्रस्त पुस्टोला येथील मूळ रहिवासी असलेल्या ज्योती सुकरु आतला या तरुणीने कृषी अर्थशास्त्र विषयात आचार्य पदवी प्राप्त केली आहे. आदिवासी गोंड जमातीतून कृषी अर्थशास्त्र विषयात आचार्य पदवी संपादन करणाऱ्या ज्योती या महाराष्ट्रातील  बहुधा पहिल्याच महिला आहेत.

‘भारतातील भाताची संभाव्य आणि स्पर्धात्मक निर्यात’ हा त्यांच्या पीएचडीच्या प्रबंधाचा विषय होता. त्यांना राहुरी येथील महात्मा फुले कृषी विद्यापीठाचे कृषी संशोधन अधिकारी डॉ.व्ही.जी.पोखरकर यांचे मार्गदर्शन लाभले. ज्योती आतला यांनी अकोला येथील डॉ.पंजाबराव देशमुख कृषी विद्यापीठातून पदवी व पदव्युतर शिक्षण घेतले आहे.

ज्योती आतला यांचे पहिली ते सातवीपर्यंतचे शिक्षण कारवाफा येथील शासकीय आश्रमशाळेत झाले. त्यानंतर गडचिरोली येथील राणी दुर्गावती कन्या विद्यालयातून आठवी ते दहावी, तर जिल्हा परिषद कनिष्ठ महाविद्यालयातून बारावीपर्यंतचे शिक्षण घेतले. ज्योतीचे वडील गट्टा येथील शाळेत अप्रशिक्षीत शिक्षक होते, तर आई गृहिणी आहे. त्यांचे पती नीतेश पुसाम हे कुरखेडा तालुक्यातील गेवर्धा येथील रहिवासी असून, सध्या ते लातूर जिल्ह्यात कृ्षी अधिकारी आहेत.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
F6485
  © 2014 - 2022 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना