ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

गडचिरोली,ता.६: पैसे चोरण्याच्या हेतूने बँक ऑफ इंडियाची एटीएम मशिन फोडणाऱ्या तीन जणांना देसाईगंज पोलिसांनी अटक केली आहे. राहुल बकाराम खरकाटे(२८), मुजशिर शब्बीर शेख(३१) व महेंद्रसिंह सूरजसिंह बावरी(४६) अशी अटकेतील आरोपींची नावे असून, तिघेही जण देसाईगंज येथील आंबेडकर वॉर्डातील रहिवासी आहेत.

१६ ते १७ जूनच्या रात्री या तिघांनी देसाईगंज येथील बँक ऑफ इंडियाची एटीएम मशिन फोडण्याच्या हेतूने सर्वप्रथम एटीएम मशिन असलेल्या खोलीचे काच फोडले. त्यानंतर मशिनही फोडण्याचा प्रयत्न केला. परंतु मशिनमधून पैसे काढण्यात त्यांना अपयश आले. याप्रकरणी बँकेच्या व्यवस्थापकांनी फिर्याद दिल्यानंतर पोलिसांनी तपास केला. आज तिघांनाही अटक करण्यात आली. न्यायालयाने त्यांना ३ दिवसांची पोलिस कोठडी सुनावली आहे. पोलिस अधीक्षक अंकित गोयल यांच्या मार्गदर्शनाखाली पोलिस निरीक्षक महेश मेश्राम यांच्या नेतृत्वात पोलिस उपनिरीक्षक ज्ञानेश्वर लांडे, शिपाई श्रीकृष्ण जुवारे, निकलेश सोनवणे यांनी ही कारवाई केली.