गडचिरोली | --°C | --°C |
एटापल्ली तालुक्यातील वासामुंडी येथील घटना
गडचिरोली, ता.24 : एटापल्ली तालुक्यातील वासामुंडी येथील जिल्हा परिषद शाळेच्या इमारतीच्या छताचे प्लास्टर गळाल्याने चार विद्यार्थी जखमी झाल्याची घटना आज (ता़.25) दुपारी घडलॣ सूरज रावजी वड्डे, रोशन भाऊजी मुंडा, कार्तिक गोविंदा मडावी व किर्तन दुलसा लेकामी अशी जखमी विद्यार्थ्यांची नावे आहेत. हे विद्यार्थी पहिल्या व दुस-या इयत्तेतील असून त्यांना एटापल्ली येथील ग्रामीण रुग्णालयात भरती करण्यात आले आहे़
नेहमीप्रमाणे आज सकाळी 10 वाजता विद्यार्थी वासामुंडी येथील जिल्हा परिषद शाळेत आले़ काही क्षण वर्गात बसताच अचानक छत्ताचे प्लास्टर गळायला लागले़. यात उपरोक्त चार विद्यार्थी जखमी झाले़. त्यांना एटापल्ली येथील ग्रामीण रुग्णालयात भरती करण्यात आले आहे़. वासामुंडी येथील शाळेचे छत आठ वर्षांपूर्वी निर्माण करण्यात आले़ मागील चार-पाच दिवस सतत पाऊस पडल्याने छताचे प्लास्टर निघू लागले़. आज दुपारी विद्यार्थी वर्गात बसले असतानाच प्लास्टर कोसळले़. यामुळे चार विद्यार्थी जखमी झाले़. जिल्हा परिषद शाळांच्या अनेक इमारती जीर्ण झाल्या आहेत. शिवाय नवीन इमारतीचे काम थातूरमातूर पद्धतीने होत असून, जिल्हा परिषदेचे अधिकारी त्याकडे दुर्लक्ष करीत असल्याने विद्यार्थ्यांना वाईट परिणाम भोगावे लागत आहेत़